Friday, August 5, 2011

भिगी भिगी रातो मे .. [आनंदजी बक्षी, "अजनबी" १९७४ ] ( मराठी "स्वैर" अनुवाद )


तो:
भिजताना चिंब रजनी
कवेत माझ्या लाजुनी
मनात तुझ्या काय ते
कळले नाही अजुनी
ती:
माझ्यासाठी मदन तू
शृंगाराचे सदन तू
पाऊस तू अन अब्द तू
खट्याळ सारे शब्द तू

ती:
अभ्रदूत सारे जमले वरती
जलसायक ते आम्हा भिजवती
पातळ माझे मलाच बिलगती
अंग माझे मलाच लाजवती

तो:
पाऊस जरी मी मेघ मी
विद्युल्लता तू  तेज तू
मी लहरी वारे मोसमी
मम रोषहारी झुळूक तू

ती:
तुफानासमोर झंझावाती या
जवळ तुझ्या मला घे तू   
लपवून ठेव मला आणि
अस्तित्वच  माझे हो तू

तो:
काया प्रिये, तुझी ही झेलून या पावसा
शिरशिरी शिरते अशी प्रसरती नसा नसा
मी हरवतो मग स्वतः अन  एकांत हा असा  
माझ्यातल्या तुला या विसरेन मी आता कसा !

                                      - उन्मेष

2 comments:

  1. ha ha ha khup bhari, hasalo ya sathi ki na baghatach .. vachale ani ase ka lihalay he na kalalyane ..

    Tikone Ganesh

    ReplyDelete