रविवार, २३ मार्च, २०१४

मध्य युरोपिअन सहल : Hangover आणि निरोप !

रविवार २३ मार्च २०१४: शेवटचा दिवस !

अकरा वाजता जाग आली, तेव्हा सर्व जण अगोदरच उठेलेले होते आणि आता नाश्ता करत होते. Hangover मधून बाहेर यायला मला थोडा जास्त वेळ लागला. त्यांच्या बरोबर नाश्ता करून पोटाला पूर्ववत करण्याचा प्रयत्न केला.  कालच्या अभूतपूर्व मद्यपाना नंतर मला घरी कसे आणण्यात आले याचा एक विडिओ त्यांनी शूट केला होता , तो बघून आमची सर्वांची हसून पुरेवाट झाली.
निघायच्या आधी आम्हाला थोड्या खरेदीसाठी जायचे होते. आमच्या अॅमस्टरडॅम मधील झेक -स्लोवाक मित्रांसाठी  झेक मिठाया आणि स्मरणिका खरेदी करण्यासाठी एका सुपर मार्केट मध्ये गेलो. चार दिवस छान सूर्य प्रकाशित दिवस मिळाल्यानंतर आजचा दिवस पावसाळी होता. पण घरी परत जात असल्याने आता परत पावसाची सवय करून घ्यायला हवीच होती ! (टीप : अॅमस्टरडॅम मध्ये पाऊस कधी पडेल याचा नेम नसतो !)
झेक घरात राहण्याचा छान अनुभव दिल्याबद्दल रोमान च्या आईचे आणि बहिणीचे आभार मानले आणि निघताना रोमान च्या आज्जीला भेटायला विसरलो नाही. रोमान हॉस्टेल वर माझ्या सोबत राहत असताना ही आज्जी त्याला पत्र लिहित असे आणि हा पत्रोत्तर ! हा जिव्हाळा आणि अशी नात्याची वीण खूपच कमी कुटुंबांत मी पहिली आहे ! त्याच्या आज्जीने मला तिने स्वतः काढलेली काही चित्रे भेट दिली :
रोमान ची आज्जी
रोमान आणि राडेक आम्हाला सोडायला विमान तळापर्यंत आले. इतकेच नव्हे तर विमानाची वेळ होईपर्यंत थांबून होते.
गेले चार दिवस त्यांनी आम्हाला फक्त त्याच्या घरातच राहायला जागा दिली नव्हती तर त्यांच्या आठवणीतही राहायला जागा दिली होती. दारू पिण्यात अग्रेसर असलेले हे झेक मित्र त्यांच्या सहवासाचा Hangover माझ्या मनात कायमचा सोडून गेले आहेत.
रोमान च्या घरात !
(समाप्त)

४ टिप्पण्या:

  1. how you were brought to home???? you also had drunk so much.. not just Rodek.. or the way u spell it.. You also should have run.... this was amazing explanation.. luved it!!.. still laughing :)

    उत्तर द्याहटवा
  2. Joshi, how many languages you can understand now - German, Japanese, Dutch, Hebrew, Latin, what vienna n Austria language.. I think austrian might be speaking German only!!
    Greta.. n u hv been to most of middle Europe now.. sahi hai.. I want see prauge one day!!
    ani u get married in Hawai.. so we will come there ;)

    उत्तर द्याहटवा